ஏரோ இந்தியா விமான கண்காட்சியில் 5 தலைமுறை சுகோய் சு-57இ போர் விமானத்தை காட்சிப்படுத்த உள்ள இரஷ்யா

சுகோய் ஐந்தாம் தலைமுறை போர் விமானம், செக்மேட் இலகுரக போர் விமானம் மற்றும் ஓர்லான்-30 ட்ரோன்கள் ஆகிய 200 வகையான அதிநவீன ரஷ்யாவில் தயாரிக்கப்பட்ட ஆயுதங்கள் மற்றும் ராணுவ தளவாடங்கள் கண்காட்சியில் காட்சிப்படுத்தப்பட உள்ளன.

இரண்டு ஆண்டுகளுக்கு ஒருமுறை நடைபெறும் இந்த கண்காட்சியின் 14வது விமான கண்காட்சி பிப்ரவரி 13 முதல் பிப்ரவரி 17 வரை பெங்களூரு யெலஹங்காவில் உள்ள விமானப்படை நிலையத்தில் நடைபெறும்.

கூடுதலாக, Il-76MD-90A (E) இராணுவ போக்குவரத்து விமானம், Il-78MK-90A வான்வழி எரிபொருள் நிரப்பும் டேங்கர், Su-35 மற்றும் Su-30SME போர் விமானங்கள் மற்றும் MiG-35D மல்டிரோல் முன்னணி போர் விமானம் ஆகியவை காட்சிப்படுத்தப்பட உள்ளன.

மேலும், ரோசோபோரோனெக்ஸ்போர்ட் நிறுவனம் Ka-226T இலகுரக பயன்பாட்டு ஹெலிகாப்டரை காட்சிப்படுத்தும்.