மிகவும் வீரியம் கூடிய கொரோனா வைரஸ் வகையை உருவாக்கியுள்ள அமெரிக்க விஞ்ஞானிகள் !!

  • Tamil Defense
  • October 20, 2022
  • Comments Off on மிகவும் வீரியம் கூடிய கொரோனா வைரஸ் வகையை உருவாக்கியுள்ள அமெரிக்க விஞ்ஞானிகள் !!

அமெரிக்காவின் பாஸ்டன் பல்கலைகழகத்தை சேர்ந்த விஞ்ஞானிகள் ஒரு புதிய கொரோனா வைரஸ் வகையை உருவாக்கி உள்ளனர் இது தாக்கினால் மரணம் ஏற்படுவதற்கு சுமார் 80 சதவிகிதம் வாய்ப்புள்ளது.

இந்த புதிய வைரஸ் ஒமைக்ரான் ரகம் மற்றும் சீனாவின் வுஹான் நகரில் தோன்றிய ஒரிஜினல் கொரோனா வைரஸ் ரகம் ஆகியவற்றை ஒன்றினைத்து பாஸ்டன் பல்கலைக்கழக விஞ்ஞானிகள் உருவாக்கி உள்ளனர் என தகவல்கள் தெரிவிக்கின்றன.

ஃப்ளோரிடா மற்றும் பாஸ்டன் பகுதிகளை சேர்ந்த விஞ்ஞானிகள் பாஸ்டன் பல்கலைக்கழகத்தின் தேசிய தொற்றுநோய் பள்ளியில் வைத்து இந்த ஆராய்ச்சியை நடத்தி உள்ளனர்.

ஒமைக்ரான் கொரோனா வைரஸ் உடைய ஸ்பைக் புரதத்தை எடுத்து வுஹானில் தோன்றிய வைரஸின் ஸ்பைக் புரதத்துடன் சேர்த்து இந்த புதிய வைரஸை உருவாக்கி பின்னர் எலியில் செலுத்தி சோதனை செய்துள்ளனர் என தகவல்கள் தெரிவிக்கின்றன.

அதில் ஒமைக்ரான் வைரஸ் லேசான உயிருக்கு ஆபத்தில்லாத பாதிப்பை ஏற்படுத்திய நிலையில் மேற்குறிப்பிட்ட புதிய ஒமைக்ரான்-எஸ் Omicron-S 80 சதவிகிதம் அளவுக்கு மரணத்தை ஏற்படுத்தியது, ஒமைக்ரான் ரகத்தை விடவும் சுமார் 5 மடங்கு வீரியமானது என விஞ்ஞானிகள் தெரிவித்தனர்.

மேலும் சீனாவின் வுஹான் நகரத்தில் இதே போன்றதோரு ஆராய்ச்சியில் தான் ஒரிஜினல் கொரோனா வைரஸ் வகையை சீன விஞ்ஞானிகள் உருவாக்கியது குறிப்பிடத்தக்கது ஆகவே தற்போதைய இந்த ஆய்வு எதற்காக என்ற கேள்வியும் எழுந்துள்ளது கூடுதல் தகவலாகும்.