தங்கள் போர் விமானங்கள், ஹெலிகாப்டர்களை பராமரிக்க இந்திய உதவி கோரிய எகிப்து !!

  • Tamil Defense
  • October 8, 2022
  • Comments Off on தங்கள் போர் விமானங்கள், ஹெலிகாப்டர்களை பராமரிக்க இந்திய உதவி கோரிய எகிப்து !!

ரஷ்யா உக்ரைன் மீது படையெடுத்த காரணத்தால் ரஷ்யா மீது விதிக்கப்பட்ட தடைகள் உலகளாவிய ரீதியில் ரஷ்யாவின் ஆயுத வாடிக்கையாளர்கள் ரஷ்ய ஆயுதங்களை பராமரிக்க திணறி வருகின்றனர்.

அந்த வகையில் எகிப்திய விமானப்படை தன்னிடம் உள்ள Mi-17 வரிசை ஹெலிகாப்டர்கள் மற்றும் Mig-29M2 ரக போர் விமானங்கள் ஆகியவற்றை பராமரிக்க திண்டாடி வருவதாகவும்,

ஆகவே தற்போது இந்திய விமானப்படையிடம் அவற்றை பராமரிப்பதற்கான உதிரி பாகங்களை தந்து உதவுமாறு வேண்டுகோள் விடுத்துள்ளது.

இந்தியாவின் HAL இந்த மிக்-29 போர் விமானங்களுக்கான Klimov RD-33 Series 3 ரக என்ஜின்களை இந்தியாவிலேயே தயாரித்து வருகிறது ஆகவே இந்த என்ஜின்களுக்கான உதிரி பாகங்களை பெற எகிப்து விரும்புகிறது.

எகிப்திய விமானப்படை சுமார் 40 Mig-29M/M2 ரக போர் விமானங்கள் மற்றும் 60 Mi-17 பயன்படுத்தி வருவதும், இந்தியா இவற்றிற்கான உதிரி பாகங்களை சொந்தமாக தயாரிப்பதால் இந்தியாவின் வானூர்திகளும் சிக்கலின்றி பராமரிக்கப்படுவது குறிப்பிடத்தக்கது.