Breaking News

நடுவானில் எரிபொருள் நிரப்பும் விமானங்களை குத்தகைக்கு எடுக்கும் தீர்மானத்தில் இந்திய விமானப்படை !!

  • Tamil Defense
  • March 24, 2020
  • Comments Off on நடுவானில் எரிபொருள் நிரப்பும் விமானங்களை குத்தகைக்கு எடுக்கும் தீர்மானத்தில் இந்திய விமானப்படை !!

புதிய விமானங்களை வாங்குவதற்கான முந்தைய தோல்வியுற்ற முயற்சிகளின் பின்னணியில் தற்போது நேரடி கொள்முதல் செய்வதற்குப் பதிலாக, போர் விமானங்களின் வரம்பை நீட்டிக்க வான்வழி எரிபொருள் நிரப்பும் டேங்கர் விமானத்தை முதன்முறையாக குத்தகைக்கு எடுப்பதை பற்றி இந்திய விமானப்படை பரிசீலித்து வருகிறது. அநாமதேய நிபந்தனையின் அடிப்படையில் இந்த முடிவு ஞாயிற்றுக்கிழமை எடுக்கப்பட்டதாக இரு அதிகாரிகள் தெரிவித்தனர்.

ஆயுதங்களை கையகப்படுத்துவது தொடர்பாக கடந்த வாரம் முதன்முறையாக அரசாங்கம் ஆயுதங்கள் மற்றும் அமைப்புகளை வாங்குவது தொடர்பான செலவுகளைக் குறைக்க குத்தகைக்கு விடப்பட்ட ஆயுதங்களை ஆயுதப்படைகள் வாங்க அனுமதிக்கும் ஆயுதக் கையகப்படுத்தல் தொடர்பான வரைவுக் கொள்கையை வெளியிட்டது.

“கடந்த ஒன்றரை தசாப்தத்தில் இந்திய விமானப்படை டேங்கர் விமானங்களை வாங்க இரண்டு முயற்சிகளை மேற்கொண்டது. இரண்டு சந்தர்ப்பங்களிலும், நாங்கள் ஒப்பந்தத்தில் கையெழுத்திடுவதற்கு நெருக்கமாக இருந்தோம், ஆனால் அதிக கையகப்படுத்தல் செலவு காரணமாக இரு முயற்சிகளும் தோல்வியடைந்தன. இதனால் விமானப்படையின் திறனில் ஏற்பட்டுள்ள இடைவெளியை நிரப்ப குத்தகை ஒரு நல்ல வழி” என்று விமானப்படை அதிகாரிகளில் ஒருவர் கூறினார்.

தற்போது இந்திய விமானப்படை ஆறு ரஷ்ய வம்சாவளியைச் சேர்ந்த இலியுஷின் -78 டேங்கர்களைக் கொண்ட ஒரு படையணியை இயக்குகிறது, அவை மிகுந்த பராமரிப்பு செலவு மற்றும் சிக்கல்களால் பாதிக்கப்பட்டுள்ளன, மேலும் கூடுதலாக குறைந்தது ஆறு டேங்கர் விமானங்கள் நமது விமானப்படைக்கு தேவை.

“நமது போர் விமானங்களில் எரிபொருள் நிரப்பும் திறன்களை அதிகரிக்க டேங்கர்களை முன்மொழியப்பட்ட குத்தகைக்கான தேவைகளை நாங்கள் இறுதி செய்கிறோம். நமது ராணுவ பட்ஜெட் மிகுந்த அழுத்தத்தில் இருப்பதால் குத்தகை ஒரு சிறந்த வழியாக இருக்கும், ”என்று மற்றொரு அதிகாரி கூறினார்.

ஆகஸ்ட் 2017 CAG அறிக்கையின்படி, Il-78 படையணியின் எதிர்ப்பார்க்கப்பட்ட சேவைத்திறன் இந்திய விமானப்படையின் தராதரங்களின்படி 70% ஆக இருந்திருக்க வேண்டும், ஆனால் 2010-16 ஆம் ஆண்டிலேயே இது வெறுமன 49% ஆக இருந்தது, எந்நேரத்திலும் நடவடிக்கைகளை மேற்கொள்ள பாதி டேங்கர் விமானங்கள தயார்நிலையில் இருந்தன.

அமெரிக்காவின் (போயிங் கே.சி -46 ஏ), ரஷ்யாவின் (ஐல் -78) மற்றும் ஐரோப்பிய (ஏ 330 எம்.ஆர்.டி.டி) இராணுவ ஒப்பந்தக்காரர்கள், இந்திய விமானப்படை மேலும் டேங்கர்களுக்கு உலகளாவிய டெண்டரை வெளியிடும் என்று எதிர்பார்க்கிறார்கள். இஸ்ரேல் ஏரோஸ்பேஸ் இண்டஸ்ட்ரீஸின் பெடெக் ஏவியேஷன் குழுமமும் தனது போயிங் 767-200 மல்டி மிஷன் டேங்கர் டிரான்ஸ்போர்ட்டுடன் போட்டியில் பங்கேற்க காத்துக் கொண்டிருந்தது. இந்த விமானம் பெடெக் ஏவியேஷனால் போயிங் விமானத்தின் மாற்றியமைக்கப்பட்ட வடிவமாகும்.